#Komiaza.com - Ayia’a asigo a sondè ngan. Awo pun’né ajumi sondè ngan aziè ? ala’ lekupne. Melè fi vuo meghè sondè ngan esaa egho tè me tuo a mbuda pa fussap eshiè kak’Atsang.
Essa’atsang eko alie la’jio te me tsuonè puo te toko. Ajumi men ake chuon ala’ asi go me nu membia : ajieu nguia eghiè epoh.
Achiè ane ajieu guia me ghè tso’otso, ngnin wuè atsenguizi a tra tè ghoyi ejiè laha agho tezè agno’on, atak a le ngiazi pik. Men juomoh meghè wu kuante le nehen ajieuguia wu te bin zen koupne e we môo mett, atchiè mo’oo nu.
Men lok pup te chuon awompè aleghe ejieu nguia pa’aha ngo moyi ngnin aghe kwe etso’yi ano poopi aleghe atchi’ nanha ane aleng zi e bin mven lezen ngan mba. Ngnin agho kwante le loko mo’ môo jieguiazi e bien chi’ zen koupne yi me tii. Agho fuo ane atsu’u môo yinwet pa’ agho fuo ane atsuè mewop eboo ako’o nguia zop.
Atak apin tuo meba mela’ ajieu nguia tekè mechie tchiè tsoho ajie nguia tè ala’ jio te chi’ kwe le. Tetah, eba’a sigo anohon, akwet et bin go tsekne. Ngnin nonhon nen ajieu nguia yi akwante abohon, ebin gue ya akete lewué abu me soo, e tchite me soo mett abohon. Emoh puo si tchuntè ajieu nguia zop abohon, me soo tchi taka. Wu ghe ven aleghe me kupnè ajieu nguia shuo pihi azii leko ? Wu taka a tsenguia te kie ndo wu lè ?
Ebin go ne lewa’ pôh. Tchossi a ken taka ala’ zimpè tegoyi megho te pwenet si ebo achi mo’ fi atsue la’ zimpè apu bi. Pimpè keghe lussi ejio pa’ memoho pimpè po kute atsue la’ pup. Memoho kepin ka, ako mepin ghie wompè tè me tchiè ndokoo tchossi kwet net ?
Melapup tè men si chuon ala’ aleghè epèh zie. Eba wimpè le zen tsane. O pu gio tchosi teko gholè, tenon doko dekne ala’ze, ebo usi ebi dzon etsiè akuo wu. Melami ndeum awua ghia awole etsi ale lok fahayi.
Epè zi’ne, pa’ me nahan atseun la, te san akwe, pimpè epiè apu ngwan po ndende, etuo etsiè achuou gia, etchite leek nu, eton messi la’ mimpè tetsiè mo’, eton metu po magaji atsenguia zompè, ebinghiè asunte abu ndeum edok doyi anu bon po leghu’. Epè ghiè pup, ebo atsuè ala’ zimpè agho lepi.
Meghiè pup atsen, apin gho ghi’zi epè kuo a mba’lah, epè ke nda etso melem mett, egapte ane metuo po magadji, ane meji’si ebin egapte emoh abu lah edok siake ndeum lekapte wimpè.
Messa’ako ewuo ngan a makpa’a. Men si bu tsa’te epo tohon ashun’ne atsan jio. Ebin ejiè apè echuon awop guè me lah ghapa yaha, me zen doko lesan guo me vuo : alé mfoho ane meghim bia tego kuo ane meghim taa.
MOMOKANA men AL’AJUH
