Messa’ako Duala : Aghôô me te juè puomenon-o, locta tezi kiok.

#Komiaza.com - Ngôo akuè mmo fi’ pa’aha, ate agho, apou mbètè agho whu.  Nging pètè agho’zi abu lokta, a pin tihi yi afu’u zi te ziè mettè. Tè bo men’ pète amozi aketoko a teu mo’ miamia lokta a Duala.

Ndwènu aketôko a miamia lokta yi lezen tsilè Lokta Généla Duala. Emo’ môshwi lezentsi gholè Monkam Djossa Michiè, akewè messan tsopzemo’o. Memo’oh pi kelok’yi ekowu tèbô menu tsop-zemo’o aku’. Apingoh pup ane lielah tsop-zemo’o ane san yi tieula.

Melokta tsaassi Michiè ejio aghô zi anon edzete sikanè. Pô lettè messin mett ate kieu. Pô ghalè a teya. Meghè ndwènu atuo ajizi me kaanon juutè yi wu. Messin no’on tekieu pa’aha, melokta puo ezen soop amô wo nestezi.

Kaha megho edzen soopo nestezi te lettè messin alelok sikaner agô. Melokta ekechiè duala efi’ leman tè ala’si eguiet anu mett. Pô kelah ge tra tè lettè messin ebo leshua’ tsi pô soop edah bwett. 

Moo azieh pa’aha, pô zen bè mo leshua’ essopo yi. Me lok me menek tsoptaa meghim lekua soopo Michiè meshua’ membia. Pô soope pup eguè ete shwè môo mett lè ?

Monkam Djossa Mechiè eke kwé. Ebin kwé pa’aha memoho pi kiè afvuozi edok tem mezèhè bahlah. Nwet lokta atsii nwa’ne abu lah. Egguè meke soopo Michiè leshua pa’ asi dzete pu pane afah zi po lezi’né. Ebin non tchitè anu guia ne tuo zi tè môo pwet.

Agho pup pa’aha me tuo môo guia abu melokta pi guia azimne. Meke pu ngahalè Michiè akwé kwé. Tè nwet Miamia Lokta Duala ayia metsaaté abu me moho pi mbèèlè. Ebin ke non chuon ala’ eguè mèssi tchitè ajumi ake pin tokosi te môo wuo mett akwé. Egguè agho lekolè, mechi’echun ala’ aju’ m’bèèlè.

Moho N’zui Manto ala’ ejio a ndièu nu wuomett teghè agho pa’aha, memia puo non ghoo egwah melokta kamalun et ghio mepi zemèpè. Edoko te bisham ane melokta pimpiè. Me mia puo nan teju anon tegui pô gio me la’ me pangoup ezon netzop.

MOMOKANA men AL’AJOUH