Aprotik : Atsang si siaknè moho Paul Biya anè lezen recteur Roger Tsafack Nanfosso.

#Komiaza.com - Awo ke loko wè chi’è  azaa lekak Atsag saasidè pè jiozè egon lepimté ? Me metua tè malajio; ake lèdzaka mevion. Me ministre, me diètè, me ngopna, te san me ndzi’nè paa me pozi’né. Atsan ake mu’né et bien sapné. Ane lesen Roger Tsafack NANFOSSO paha sigo recteur université Dschang la.

Binu ake poote Atsang ane lezen TSAFACK NANFOSSO, nwet Université Atsang, a le siakne Paul Biya pa’ ake lokoyi eghè agnin Comité central RDPC la. Eben ke fvete pa, teke lekak tak !

Alah ake to mechie mechie. Pô moho Jacques Fame Ndongo paa mo’ memia mekendo pa’ nwet paka lah binu, gouveneur Awa Fonka Augustine eke chi’ nahansi à seaside, a ajiè lekak abaa atsang. Moho Jean Nkuete, a temkelak Comité Central Rdpc me tihè avuo.

Moho Roger Tsafack Nanfosso  asigo recteur université Dschang. Ebin dzen go a ngnin yi a chitè a protik a te Mia kah siku. Moho Paul BIYA ale pin guè yi jio eban wuo met à zehè nu tè me lapup a ke loko yi eghiè a kuo Comité central.

Melè seaside ebotè Siak’né wuo legho pahala et bien doko tohon alah guè eba met le lok tchuou ts siak’né. Alah a chi doko sa’né te siakné. Asiaké alelok piè Nwet Kamalun asigo ane lielah Tsop pia ane mesan leguiem.

Epuô Tsop pia esi edzon alen. Moho Paul Biya azi nomet. Ebo ada’ enahan alen egu’ tsoptet meghuim lekua. Edzen non suntè aleghè mezen eguiayi egu’ sambia alok kwet a kamalun. Mela’mi mefa’ ezaa e mi akezii edzet temak.

Mekekak teko gholè, a za’anlong a tuosi. Emoh puo ghè alah a Kamalun a letchi’ pa’ha mela Moho Paul BIYA pa nôyi. Po jii nkap, Meghan lekan, alebu gho tè mô atok mbô, lepin jio afah awowu kè. Melapup tè bô emoh puo ghè tekezeng tchiè Paul BIYA met a lenan ‘aleng, me pik mok esitepon guo gia.

MOMOKANA men AL’AJUH