Aprotik : MRC, eyi akè pakti Maurice Kamto la, ake nehansi a saasidè a Yaundè.

#Komiaza.com - Pakti yi Maurice Kamto ke nwet te bin too ko kuo teu MANIDEM la, ake nehansi a saasidè alielah tkro a nè san levuo wuo, a a teu kapala’ Odza à teu Yaundè.  Pô nenhasi pup ngnin yi a ti tuo vuo agho moho Mamadou Mota, yi me koutè ajiè nwet tè me chijiô.

Pô ke pèh me kou’té bia : evuô kou’té a gho leghè ngnin sèhè leghè po MRC anô, a mossi cthu’ “netzi go bah Elecam etsui kète vote zi tè san sa’né met a la’guéchie’ akete met àgho apa yi.

Paaté kou’té : me mia mekedô MRC leu nguè pô ya anu abu moho Maurice KAMTO ayi le chu pa’ a sa’né lelok piè nwet kamalun ane liela 12 ane messag tsop zemo’o atock pup.

Ebate piaa kou’té : Meghè pakti mè le tsui abu Moho Murice Kamto eguè yi me fa’ mechii ayi le tok edzapa candidature si à lelok piè sa’né Nwet kamalun. Ake traa tè me kayi paa.

Aleke guouaa e vuo teu MRC e guio me MANIDEM. Te ewuo pakti met ayayi me chi’i a yi lelok nohon azi avehen. A lenon, me jiô pa’ ELECAM pô Conseil Constitutionnel po kepu dzap avehen zi met pup maha bah.

Tè melapup tèbô alah a kuante aleghè me chouon a moho Maurice Kamto mett eguè azen nahate wop te pakti. Melami anu zi paapop ke tsaa a kete zing. Tè melieh paha ghoyi alèguesen  a kua’té tchuu guia ebo gho tso’ tso’ mbèlè.

Epô memia! Mekebin 'go guia pa’ha ego si dzutè moho Maurice Kamto. Ashun pa’ me piè sa’né azi nè lie tsop pia pup. Aguia lezen ngnin akon guè alah apièyi edok eghiè Mwet Kamalun. Alah asi dzute abu yi.

Akebingua me non tchitè leghè po moho Issa Tchiroma, Akere Muna eboo Bello Bouba etchuan apouzop. Po tchuang  ‘bu mop ebo Moho Maurice Kamto mett ate tsu’o te tsui  bulah eguè me chii biè a ngnin yi pô tso’o ayi le tsi’è atuovuo.

MOMOKANA  men  AL’AJUH.