Anu apè me ghè etson, tè ta’ dzinè a Yaundè ke ku’uhè tlefonn zi.

#Komiaza.com - Meke chiè a yaundè, a lefwu Nsam, metson gho ngnin tchuayi te doko tléfonn zi. Po lenon tchuayi a yin’ne ta’ nghin anopop.  Po lè tchuayi et tsiyi nen, a lusi dok mba moyi a yin’nè yi la.

Eban’a ngnin, meliè agho a tioté Meghan siku tsétsère, a kuo a bah gha ejio moho moyi a yin’nè yi la. E dès bête anu zi a ghie yi. « Men wu paa noyi putegha menzè, ezuegha te kwi tléfonn za dok khi.

Gnin bahan wo ajouh anu met te ton’on a menyi. Môowo achi te tiè aji po moho yi tchi’hi megun : Oukulili ! Woukulili ! Etson ! Etson !

Me ghan ko’ho guia nate. Ta’ chuzia a gho no pop. Pô zuté moho wop o men yi chouon wop ajuli atoksi. Ebin tchiè le pète etchiè eghèlè eban wo a tson mekontè mok.  Pa’ me liè la chuzia pô men bahan wo, meliè atson, po poote egho mengnin edok gni tso’ mekuu mi te metsi’I etsou’uè lilili.

Pô le tchua yi te bu edza tuou mbumi.  Ebu ezuè amengnin tè a pu gué makné ekué. Tè pek gha chun’né pa’a a tezet. Chuzia wuo met agholè Atango. Gning yi akegho a kwui a mengnin a bu legwue, yi me pin dsuè mengnin.

Eban yi mekè Dzuè ayi akè adzinè Meghan siku à Yaundé. Pô zuè yi ke jio te bo akwué po sasi eko wu. Tè me chuon paa mechuzia non dzapa eji’ faha wop. Tè bo a nu tepon ajiè pè me pô memia. Awuè apaha atuo zi tè fo ajieu.

Emoh me moho pègha ego yi pô gho fvet mok mela” mo yip o zihi. Kè metoko dzem mô paha edok guè kiè. Mefu lewu môo met agho tak awo zen tok dzem zi ? Me mohô met, pè ghe nan nahan agon epipnè men wè ka? Agho lekieu ebo anu tchiè bu jutici.

Alié lah gnin azi lie lah. Atepupo ebo edzin’nè wuo met a letekue. Tè bo metson eji tlefonn ju pô toho zuhé…

MOMOKANA men Al’AJOUH