Menungon: epô memia lé ! gnin ghe tihi zu te Whatsapp paa Facebook esan abohon.

#Komiaza.com - Meghui ake ton ndzon chi’ gouèreyi. Melie meghui le fah nkap dok kwet guia. A kouet ghia paha, men sessouo a lèke kouyi, a maha teu Facebook, ateu WhatsApp ebô TikTok. Te dah’gue zoko, e mbèté a mezèhè mba zi. A te mbètè paha ebô ngnin zètè yi mboho.

Meghui wo chi nan tè etchouah gho abahi, azuté te nkap louo tèblè, à gha po memia ? Atsétsen a pihè trefonn, ndok me fitu e’dak nen, e dak nen te Facebook luo.

Epô memia ! A nan te dzem chi’sen, meghui akoh nohon deko yi, metson pouoh ghia ko. Eghè edidin a yè nkap,tè atepouo ba. Ebô po loko men meghui wo avuoyi, a meneuk yi mbèlè.

Meghui wo ana’ non guè di’di’, mô koua ngi a beu guia tè messang vêté.  Meghui wo aghè angha tchouo yi, mè metson ghè po za’tong. Po ghe leu paha etsou’ne meghui ma’ha si. Ta ngnin a wè goh egue pipewop, epi metet po kuo le tah nguia. Po le tah te kuè miamia lepouh nkap.

Metson lok lepouh nkap chi’ tu meghui wo. E guè Akojio ? U kaghè te bo ta dela u te wuèlè ? Menkeu pè nghi ntsi’ a ne taha meghui wo. Metsi ghè leukleuk ! leukeuk ! e dzon alok nkap meghui wo esèhè si kowu.

Anou pin tok pa’ jiomè la, epuo zok guè meso meghui, meliè meghan aloun ; e mo’puo non guè mô yi apipe mbah. Edem agho tewu e bo mo’ puo po tihè a nu apah gnin tezéhé, melah mi meghui agho nanyiri te wuè a bon souhi kè ? Melok guè pimpè pa’ha. Melieu leleu guè nna ku’èh aba’ agho yi lelio akuozi.

MOMOKANA men AL’AJOUH