#Komiaza.com - Nwet mba yi mè tonlè CENEEMA la àkè fussap ane lie etko a san fwète mbeng wuo. Egowu pup, echiè etso’ ezi ghia pakalah binu. Akewè me messing kie medzem. (Fitu/CT)
Nwet lah pakala binu, moho Awa Fonka Augustine, akekwui yi enansi. Poyi biakné et bin gue zko, awolè po noyi lousi eghio me jizi me tonlè Kuekong la. Mè liè Nkuekong pahala, agho aji zi mè ke tso nguia CENEEMA pakala binu wu. Afahangon !
Mè pin tsoho ebah met à fusap paha, edock nguè epè koupnè le ji’ngong. Mè fouo ne chou to ekouo ne me messing. Melami meloko messing eji’ egong paha, etsou za e bin bon. Eza e bin bon paha, awolè fèzo te dzuet. Mè lok na mo’megho tepon mi pèh.
Legnin lepin dinta messing lelok ji’ngong met, me ghaa ? Agho wu le gho a bahamet edzete. Meke pu getso enan epo tchitè asi. A gho you o chiè edzuo, e po mè chouon wu; e gho yi o chiè me dinta messing, e’bo me chouon wou.
Me messing met paha me loko fvo Ebolowa. Epuo pi pol ego wou a ssaa son, a ne gouh metossing mepia edsap tsop zemo’o, po lejio pa’ ajizi metchuntè me messing met a fan pout. Alaha lejio tè megho nan paha zutè ghè eganlah, Mo’o Paul Biya, aghapté mè lok ji’gon.
Men ghe zoko, eleu ghe me messing ma fa’ me teteu pa’ letoun mezèhè, le kwèté me pi’ e pou go abah met. Men doko nguè, ala’aze guè po jie ngon powo toun me mezèhè po chiè CENEEMA Fusap e’bo po ka ézehè faha.
Meghè CENEEMA, e gho bah zi a Kamalun egwè messing a lelok gok me fah ane lezen lah. Mia ba sigo Yaundè. Me le zoh ebah met a 1974. Afahazi agho le tchité, efah pa’ me messing egho pup te kuitè a mè lelok gog mefah te alo pu leto.
A tchiè wipe a sodè yi mezèhè lé.
MOMOKANA men Al’ajou
MEDIAS
Festival International Reconnection (FIR) : le rendez-vous des ancêtres s’installe à Dschang.
Du 5 au 8 février, l’Alliance Franco-Camerounaise de Dschang deviendra le centre de gravité d’une quête spirituelle et culturelle profonde, accueillant des délégations venues du Tchad et des États-Unis.
LIRE PLUS...
