E’tekné me achoung'né yemba : épô mémia, épè paha lekang boho.

#Komiaza.com - Apèh apou mbat mbô. Lekang ko tè apèh tchiopnet. Melah poup tè men chiè choun pè eguè awolè apa atouozi nè lekang. « Eyiè jou’, atsétsen ajou », e’bo mèn chouon ala !

Pô tchiè touo pô memia paha mesou guè pô guo guia ngap abou nging nguiè wouop, kè a guialoun kè ajiè saa lè. Mè touo o veng kwite go kou lekang tézéhé. Ala’ azé guè etsitsi apèh. Lekang ken tchiè nguesan ngap, lekang ken tchiè ngalé té chouka. Lekang tchiè tsihi lekwui.

Mèn chouon wè. O kouo nguia yi me touo go gho wou nguia kè nkaplè kè joudèhè lè, o kouo nguia mèt  tè mèyia botle melouh kè ebanzo to’ maha tchouo, e’bo  wouf ! E’bo ndah ko lekeng bo, e’bo ndah ton melouh !  

A mo’o zen gowou. Ngning wou anon ngo é’nguè o ngho guia nkap loung zi, o zi kui ghuo te ko a jihmet, e’ba wou le kouo guia bô. Tè lepouhou mè peknè, e’ba wou le tchi té kouo anguia met, e bon dah kué tem oh legha là lezet.

E bin took zimo’, men guè ngin wou non gho, té go nginyi mè nah tsape yi, e guè wou yè yi etsi, o pa bo. E boy a tsi mè tchouou yi tè a mi, egoyi mè non nzètè nging, é bo a yawou. A’kwa nouné nguè pô pèh ebô pô ken efah mechieu teza tetsia awop lelok suen pô mémia pô me sou. « Eyiè jou’, atsétsen jou », e bo men choun!

Anou zi men chouon la, ake té dok nguè meloung tsem tchiè meguia lekang bô. Mè yaha tekné e’dok nguè ngnin nohon tsiè kouozi ayinné ajizi atiè akouo wou. Ebo men tchounté choun, té kwan gnuè awolè a jouo’bohon. Melami mè leghè tejioji’ aléghè ezèhè lefô e’tsète téjio. Meloung tenguia wou, meloung jiè fah gho wou, meloung mesou gho wou, meloung nkap gho wou. Meloung balah e’gho wou.

Ala zimpè asigo yemba. Mechouon aba’atsang.  Emo’h pouo tonlè menouet.

Epô mémia, atchiè wipè eghap yaha, a Sunday. Epè chi zen potoho gha a teu Ako me miaza? Ala’né chi egho anè lesok ndô. E’nga kepandon

Momokana men Al’ajouh